4. Juli 2009, Openair Huttwil

Zersch mau: DANKE VIIIIIIIU MAU für "The Journey"!
Hätt nid erwartet, dass dä Song chunnnt!

D Show säuber het mi geil dünkt. Nume schad hets bi Shakra no nid so viu Lüt gha... U vorauem Lüt wo nid mitgmacht hei...

D Songuswahl het mi ehrlech gseit chli komisch dünkt. Z.B "Now or never" isch e geile Song, aber live würdi dä nid unbedingt spiele.
Ender e Kracher wie "She`s my ecstasy" oder so...

Es het mi auso ächt gfröit euch wiedermau live ds gseh u ig freue mi scho uf nächscht Mittwuch in Montreux!


Zu Gotthard hani ei Frag: Ischs de würklech möglech, dass d Natur eim einzige Mönsch sone gwautigi Stimm het gäh??? "Lonely People" hani ds erschte Mau live ghört. Dasch ja dr absolut Hüehnerhuteffekt we dr Leo die Akkustischi füre nimmt u dr Steve derzue sone Text singt!

Die neue Songs hei guet tönt. Die neu CD "Need to believe" wird emu sicher kouft! :face:

Hie no d Setlist vo Gotthard (danke Ürsu...) :

- Master Of Illusion
- Gone Too Far
- Top Of The World (uuueeehh)
- Need To Believe (neue Song)
- Hush
- Sister Moon
- One Life one Soul
- Lonely People
- Unconditional Faith (neue Song)
- All We Are
- Mountain Mama
- I Don`t Mind (neue Song)
- The Call
- The Oscar Goes To Yooooouuu
- Anytime Anywheere (uuuueeehhh)
------------------------------------------------------------------------------
- Heaven (Ja, d Müetterli hei bis am Schluss müesse warte)
- Lift U Up
------------------------------------------------------------------------------
- Mighty Quinn

Die da hie sie o am Konzärt gsi:

Hie het's de no äs paar Föteli vo

SHAKRA



Mi het's geschter eifach ä super Tag dünkt!!!

es isch e geile tag gsi,

zerscht isch me ganz nass worde vor luter hitz,
und wenn der petrus meint, bim SHAKRA-gig müess er o no sin special-effect bringe, tja denn halt.

der gig vo SHAKRA het mir (wie immer) guet gfalle, ok, das wäg de songs, da cha me sicher drüber diskutiere babs
vo mir us dörft she`s my ecstasy würklich o no im set si, aber äbe, wenn me nume so churz cha spille ( emal mi hets
z'churz dünkt ) und scho so vill gueti songs im repertoire hett, cha me halt nid alles bringe.

mini Föteli chöme demnächscht uf myspace online und s'eint oder ander villicht o da ine

was mi a dem event eifach gschockt het isch das durenand vo dene stilrichtige, nach china chunnt de lalli vom püntnerland,
denn no grad vor SHAKRA !! das isch eso fähl am platz gsi
und nach SHAKRA chunnt mit em ritschi en weichspüehler wosi gschider am 3 scho uf d'bühni gschickt hätte.

zu de letschte chann i nüt säge, will es isch für mi und d'denise scho lang klar gsi, das mir üs der züri-rapper
nid wei atue und o nid uf gotthard wei warte.

sorry no bi all dene woni mi nümm ha chönne verabschide, aber d'denise hett eifach angscht gha, ihre corrado hangi
denn am schluss glich i dere wise, wie im auguscht z'walkringe, darum si mir no chli früehner wägg als planet.

danke no minere chauffeuse
und jetzt freu i mi halt scho uf filisur

Exil-Ämmitaler schrieb:

sorry no bi all dene woni mi nümm ha chönne verabschide

Dank däm bin ig no zunem Bier cho... D'Cathy chunnt plötzlech miteme Bier für di derhär u fragt wo du sigsch. Aber du bisch denn scho ungerwägs richtig Oschte gsi. Na ja, i ha de das Bier haut für di trunke, wiu usschütte wär ja o schad gsi!

ja sicher wär das schad gsi

i ha vo ihre es sms übercho, ha scho gmarkt, dass si nid eso zfride gsi isch

Sorceress schrieb:

Hie het's de no äs paar Föteli vo

S H A K R A



Mi het's geschter eifach ä super Tag dünkt!!!

Bi mir geit dä Link nid, chunnt öppis vo "ungültige Album-ID"

Prini schrieb:

Sorceress schrieb:

Hie het's de no äs paar Föteli vo

S H A K R A



Mi het's geschter eifach ä super Tag dünkt!!!

Bi mir geit dä Link nid, chunnt öppis vo "ungültige Album-ID"

Ja hesch Rächt, das geit nid!

Und hey.... Dasch geschter mis erschte Konzärtbändeli für Erwachseni gsi! Muahhahha...

Sorceress schrieb:

Hie het's de no äs paar Föteli vo

SHAKRA

Jetz sött dä Link eigentlech ga...

Sorceress schrieb:

Sorceress schrieb:

Hie het's de no äs paar Föteli vo

SHAKRA

Jetz sött dä Link eigentlech ga...

Jetz geits, merci! Super Handy-Föteli

...da kennt me doch zwöi drü Persone

Singing in the rain

Het öper de die Setlist no im Chopf?

I weisses gloub no:

Ashes To Ashes
Love & Pain
The One
Let Me Lie
The Journey
Why
Chains
Call Me
Trigger-Nothing
Now Or Never
Rising High

Äs isch auerdings ä richtig coolä Abä gsi

da wär no der link zu mine föteli

Shakra Huttwil 2009

und für die wo no meh wei gseh, da no die vo china

China Huttwil 2009

Dä Tag isch echt Hammer gsi, und aui wo Pics hei gmacht si si hammer

Ich ha's au widder mol lessig gfunde, Shakra live z'gseh, obwohl's mi jo ebbe nid ganz eso überzüggt hett wie anderi Konzis. Aber das isch Aasichts-Sach und ich freu mi ämmel scho uf Brienz.

Mi hän drei Sache so richtig gstörrt: erschtens d'Iitrittspriise: 85 Franke isch eifach dr Oberhammer. Das zahl ich jo für Depeche Mode im Hallestadion, find so es Familie-Open Air dörfti nid so vyl choschte. Ich weiss nid, wie das e 4-Köpfigig Familie söll mache

S'zweite isch, wie dr Jäck scho gseit hett, z'Band-Zämmestellige gsi. Für mini Begriff isch es nid so günschtig, Rapp, Hardrock und Weichspüeler Sound so duurenand z'mische.

Und drittens halt s'Wätter. Während em Gig vo Shakra hett mi dr Räge eigentlich nonig gstörrt. Gstörrt hett's mi denn, wo's mir in min Täller grägnet hett und unterem "Sunneschirm" drei Wiiber mit Rägeschirme gstande sind und mir die nasse Schirme an Arm druggt händ Leider isch denn unseri Stimmig so zämme gheit, dass mir no vorem Bligg gange sind. Chli mehr Sitzgläägeheite und Schärme, resp. Schatte wäre für dä Priis aabrocht gsi.

@Jäck: unzfriede bin ich nid gsi, aber jetzt han ich dir das Bier scho usgäh, cha au nütt derfür, wenn du denn scho wägg bisch. Nonemol gibb ich dir keins meh us Aber ich hoff, dir sind guet us dr Wiise uusekoh und d'Denise hett kei Walkringe Deja-vu gha

Exil-Ämmitaler schrieb:

und jetzt freu i mi halt scho uf filisur

Oh ja, ded gseni Shakra endlich wiedr mal sit Züri

Und ja ... nächst Samschtig chunnt bi Musicnight Best of Huttwil mit allne Künstler, ja au mit Shakra, und nachher nu live KOnzert fu Flogging Molly und Pendulum