Prattele....Singin`in the Rain

Dr Gig geschter im Euro-Fancamp Prattele isch geschter trotz teils strömendem Räge ächt genial gsi, es het gfäggt vo A-Z und au d`Spielfreud vo dr Band isch guet ersichtlich gsi. Für mi dr absoluti Hammer isch d`Soundabmischig gsi! Do hani scho einiges anderes erläbt, aber geschter, das het eifach numme kickt! I hoffe, di nöcheri Dorfnochberschaft het au no echli öbis derfo gha Und ihr Shakras......obwohl scho x-mol ghört....bitte nämmet "Trapped" nie us em Live-Set, de Song isch für mi immer wiedr es totals Highlight bi jedem Konzärt. Schad numme, das nid ganz eso vili Lüt sin cho, abr do wird wohl s`Wätter au no e Rolle gspielt ha und au di zahlriche (z`vili?) andere (Euro-) Veraschtaltige in dr Region. Aber es het sich emol wiedr glohnt....wie immer ! Grüessli us em Baselbiet mit mim erschte Forumsbitrag

z erscht mol: jeeeee Baselländer verstärkig!!! (@Andy, i bin ex-baselländerin, mini seel ghört aber immerno dert ahne;))

Und ja das Konzert isch meeeega gsi! s wätter isch scheisse gsi, aber hey, genau weg dem wärdemer uns ja an das konzärt sicher lang errinnere chöne!! leider hets ke schärme gha und mini kleider hen scho au was abbecho....dräck und nässi, aber scheissegal;) het gfäggt!!!!! Mini People-Bilder chöme de bald...muess nur gschnell go zmorge esse;) hihi

Mini Pics sind uf folgendem Link z finde:
Myspace

irgendwie funktionierts nid dassi es paar hier poschte....aber i lad se süsch neumez andersch ufe...

Hier gids no fotis vom Konzert...

Also ich ha's au widder mega cool gfunde, und cool han ich denn nach em Konzärt au gha, bibber, bibber! Aber s'hett sich definitiv glohnt so nass z'wärde und ich freu mi scho widder wie e kleins Kind uf Wohle, YEAH

Das Föteli fingeni ganz geil

ja, würklich cool, gseht fascht us wie zwe eso
samurai-kämpfer oder süscht öppis us der asiatische
kampf-kunscht

uf Festzeit.ch hani grad no es paar Pix gfunde, eis zwei dueni au no gshcnell poschte:





und no eis zum schmuntzle: *gggg*

Uuuh, är ka bald scho so böös luege wie e richtige Metaller, hihihi

Nei, nei, Mark, blib numme so wie du bisch!

Merci für d'Föteli, schwarz/wiss isch schööön!! ... u chaut isches haut gsi

Ha grad wider einisch Föteli agluegt:

...u das isch o schön, bi Wind u Wätter