KROKUS Live in Bärn!

I weiss das vili das Konzärt boykotiert hän...`wohl au durchus verständlich weme das Chasperlitheater um di ewige Stritereie und duurhafte Bsetzigswächsel vor Auge het.......aber dennoch, all das weniger schöne uf d`Site gleit, es isch en absolut geniale Obe gsi! Dr Gig in Sache Spielfreud Champions-League! Und das si "Hellraiser" gspielt hei, das spricht für d`Band und isch wohl es chlises Trostpflaschter für d`Fans vo dere Bsetzig vom letschte Album.
Aber das d`Band mit derart vil Spilfreud und Druck agiert, hätte vo eus di wenigschte erwartet und i hoffe, das si di Energie chönne mitneh und es guets neus Album z` schtand bringe. Für mi isch es scho es speziells Erläbniss gsi! I ghöre jo do wohl zue de "alte Säck" und ha d`Krokus scho x-mol gseh in allne Formatione, aber es isch würkli eso, dr "Spirit", dr Funke isch geschter gsprunge und es het definitiv funktioniert! Wäri schön, wenn das no es wili eso wäri um denne irgendwenn s`Kapitel Krokus würdig z`beschliesse. Aber wenn me echli mit dr Krokus-History vertraut isch, den weiss me, das me immer mit allem mues rächne und Morn scho wiedr alles andersch cha si.......scheene Sunntig und e gueti neui Wuche! Rock On us em Baselbiet!

danke före bricht :!: mi hets ned ganz so us de socke ghouä, aber schlächt isches ned gsi. ig ha ou sehr fröid gha a Span
aber mir hend üs leider verpasst Andy hoffentli äs anders mau

jaaa ig und der märki hend shcnell ir 2 reihe abgrocket schad hani nid meh Platz gha!!!

bi a däm abe o ds bärn gsi aber nid a däm konzärt.. allerdings si uf dem zug woni heigfahre bi ganz e huffe lüt gsi wo gad vom konzärt cho si.. ha dene chli zueglost..
u es het vo auem chli gha.. serigi wos genial gfunde hei u o serigi wos e relativ schlächte uftritt gfunde hei. isch no interessant wie wiit das die meinige usenang göh.

Mir hets jo gfalle....siehe oben und es isch richtig, d`Meinige gönge rächt ussenander. I finde das immer allgemein spannend, wenn me au anderi Meinige cha ghöre und au, wenn si sich nid mit minere eigene träffe. Aber was mir ufgfalle isch, i ha am Sunntig Morge fascht alli erdänkliche Zytige kauft will mi di div. Mediebrichterstattige sehr interessiert hän, überall bi dr schribende Zunft hei si numme euphorisch gschriebe und beurteilt. Und das dünkt mi doch au echli komisch.....aber wie au immer, das tuet d`erwartigshaltig uf künftigi tate ganz klar in d`Höchi schnälle und das cha au zumene Stolperstei wärde. I bin uf alli Fäll sehr gspannt, wie das wird witergoh mit Krokus, i hoffe aber scho, das sie sich irgendwenn würdig chöne verabschiede, vilicht sogar emol 2 Albe in dr gliche Bsetzig chöne ispiele, das hets nämli sit 1980 nie me geh......:-)

Sonnenmond: Das wei mr doch hoffe !

Griessli, Andy