China/Shades of Purple an der Trike & Bike Ausstellung

Ich bi am Wucheänd mit dr Rämi uf Gretzenbach an die Trike & Bike Usstellig gange. Ernstens hett's sich scho rein numme für die absolut obergeile Bike total glohnt gha. Ich wird denn do no es paar Fötteli vo dene Töff iine stelle, isch ächt dr Hammer was die Airbrush-Künschtler dört gschaffe hän!!!!!!

Am Samschtig hän denn no Shades of Purple (wie dr Name vermuete los, e Deep Purple Tribute Band) und China gspiilt. Jetzt muess me derzue sage, dass ich nid so dr Mega-Purple Kenner resp. Fan bi. Für mi isch dä Sound eifach immer so chli zu schleppend, zu 70er Joor gsi. Aber was die Shades gmacht hän, isch dr Hammer gsi. E absolut super Band miteme totale Partytier am Bass. Isch ächt e Freud gsi, dene zue z'loose und luege.

Denn sin China cho. Ich ha die gloost, wo ich so 17/18 gsi bi und hän mir denn mega gfalle. Also han ich mi au dämentsprächend gfreut. Aber denn kömme die uf d'Bühni. E Sänger wo die ganzi Zytt dr Wakkelkranz schüttlet und praktisch kei Dütsch ka und e Rhytmus-Gitarrisch wo sich als "New-born Nikki Sixx" haltet. S'isch chli lachhaft gsi. Dr Leadgitarrischt hett denn irgendwenn mol no entschuldigend gseit, är sigg jo praktisch no dr einzig, wo schwizerdütsch könn, alli andere käme usem änglisch sprächende Ruum. Jä hallo, ich ha immer gmeint China sigg e schwizer Bänd? Gitt's denn bi uns in dr Schwiz keini guete Musiker meh???? Das hett mi denn scho chli gwunderet. Aber wo si denn no gseit hän, sie würde jetzt e paar Cover Songs spiile, isch dr Lade bi mir ächt aabe. Hey, die Bänd hett e über 20-jöörigi Gschicht und muess uf Cover Songs zrugg griffe??????? Das isch für mi irgendwie gar nid gange. Mir sin denn ämmel no vor em Ändi vom Konzärt widder gange. Schad wenn sich Jugend-Idol so sehr dien verändere. Derfür han ich ebbe mir Shades of Purple ganz e tolli Bänd kenne glernt und dr Oobe isch sowiso lessig gsi!!!!!

Merci Cathy für dä Konzärtbricht!

Sehr interessant chani da nume säge....

Mir het Deep Purple immer gfalle, nume scho wägem Gsang, aber i bi ja o no chly älter als Cathy

Do scho mol öbbis für d'Prini:

Danke, danke! Schön

Jetzt e paar Fötteli vo Shades of Purple:

Und no es paar cooli Töff:

äs isch auso ä richtig coolä Abä gsi, het mega gfägt ,
Shades of Purple hei mir uh guät gfauä, si hei uf jedä Fau gwüsst wi mä chli für Stimmig sorgt !
Vo China hani vorhär scho vieu guäts ghört, aber cha mi dr Cathy aschliässä das si ihrem Ruäf nid grächt wärdä!
Üs wär da no ä angeri Band i Sinn cho wo sehr guät derthärä passt hät u sicher me Schriis hät aus China ... mir hei natürläch vo niämerem gringerem gha auso vo Shakra...!!!!
Übrigens, diä Usstellig i däm Rahmä findet jedes Jahr statt ...!

Dankä vieu mau Cathy bisch mitcho u fürz postä vo dä coolä Fötäli

Rämi schrieb:

Übrigens, diä Usstellig i däm Rahmä findet jedes Jahr statt ...!

Merci füre Tipp!

@Prini: do isch no dr Link zum Veranstalter Good Drive

cathy schrieb:

@Prini: do isch no dr Link zum Veranstalter Good Drive

Danke!