Steve Lee ist tot

Gemäss 20 Mintuen:

Zitat :

Steve Lee, der Sänger der Schweizer Rockband Gotthard, ist bei einem Töffunfall in Kalifornien ums Leben gekommen. Dies wurde aus dem Umfeld des Rockstars bekannt.

Nei, oder? Das isch jetz nid wahr!!!


I bi grad völlig schockiert!!!!!!!!!!!!!!!

Genau das hani iz grad i dä Breaking News vom Radio Argovia ghört u im Blick steits o

http://www.blick.ch/people/schweiz/steve-lee-schon-wieder-horror-crash-158008

Das isch scho grad mega schockierend ...

ja doch es isch wahr

i weiss es sit hüt am morge, han aber immer no ghofft es sig nid wahr

cha nur no säge R.I.P. Steve wir werden deine stimme vermissen

Ha über dr Mittag uf DRS3 ghört, dass es bestätigt isch, dass är e Töffunfall gha hett, es sig aber nonig bestätigt dass är tot isch, me miessi aber mit em schlimmschte rächne.

Wenn doch wohr isch, isch es mega schad und truurig. Är isch e gewaltige Sänger gsi, au wenn är mir zu vyl Balladene an de Konzärt gsunge hett, miteme tolle Wiedererkennigswärt. R.I.P. Steve, ich glaub die Stimm wird me nid so schnäll vergässe!

Ig chas nid fasse. Ig bechume fasch kei Luft meh, ig hoffe immer no, dass es nid stimmt.
Es darf doch nid si, dass so e Mönsch eifach usem Läbe grisse wird...
Ohni ihn wär ig hüt nid da woni jetze bi.

R.I.P STEVE...

Es darf eifach nid wahr si!!! He, mir rede hie vom STEVE LEE!!!!!!!!!!! Hallo??
Ig gloubes nid

@Babs: ich weiss, s'isch mega brutal und schwär z'glaube. S'einzige wo me tröschtend könnt sage, isch dass är bi dr Erfüllig vomene Traum gstorbe isch.

cathy schrieb:

@Babs: ich weiss, s'isch mega brutal und schwär z'glaube. S'einzige wo me tröschtend könnt sage, isch dass är bi dr Erfüllig vomene Traum gstorbe isch.

Ja das stimmt. So hanis no gar nid gseh, isch wenigschtens e chline Troscht!

Babs schrieb:

cathy schrieb:

@Babs: ich weiss, s'isch mega brutal und schwär z'glaube. S'einzige wo me tröschtend könnt sage, isch dass är bi dr Erfüllig vomene Traum gstorbe isch.

Ja das stimmt. So hanis no gar nid gseh, isch wenigschtens e chline Troscht!

ich bi au gschockt! ich kenn doch d'musig vo gotthard sit jahre und em steve sini stimm isch eifach charismatisch. trotzdem isch er immer mensch bliibe. kei arroganz - kei iibildig - nüt!

warum müend immer sönig gueti charakter so früeh und dänn no so brutal sterbe???

aber für sini fründin d'brigitte muess das alles ja no vill schlimmer gsi si: sie hätt müesse zueluege wie ä harley dä steve erschlage hät...


http://www.videoportal.sf.tv/video?id=b2771d52-2cc5-43e7-bc90-a0f517aacb15

I bi o immer no schockiert, ha geschter am Morge ono ghoffet dasses nid stimmt.

Dr Marc sig schiins o in Amerika derbii, es isch so schlimm...

Dr Blick vo hüt isch sehr bewegend... U ab morn gits e Serie über e Steve!

Babs schrieb:

Dr Blick vo hüt isch sehr bewegend... U ab morn gits e Serie über e Steve!

Dä hani hüt o kouft aber no nid gläse

Jetz hanis grad gseh, Babs du bisch ja ono zitiert im Blick...

Prini schrieb:

Jetz hanis grad gseh, Babs du bisch ja ono zitiert im Blick...

Ja has gseh... Ha geschter uf dr Blick Homepage e Kommentar gschribe u dä hei si grad id Zitig gnoh, oder jedefaus e Teil dervo!

Uf dr "R.I.P Steve Lee" Site im Facebook hei sich jetze scho 50`000 Lüt aklickt... Die Reaktion isch wahnsinnig, die ganz Schwiz steit ufem Chopf!

Und nach em Zämebruch geschter funktioniert ou die offizielli Homepage wieder!

www.gotthard.com

Morn findet ab 21:00 ufem Bundesplatz in Bärn e inoffizielli Gedänkfiir statt füre Steve Lee!

für die wo no öppis wend ine schribe

Kondolenzbuch Steve Lee

Hier ein kurzes Video von der Gedenkfeier: 9.Oktober 2010

Merci Babs für zVideo u dFöteli!

schade, ich kann das video leider nicht sehen.

übrigens babs: du kamst unter anderem auch im telezüri - im beitrag über die gedenkfeier vom 9.10. für steve lee

gabriela schrieb:

schade, ich kann das video leider nicht sehen.

übrigens babs: du kamst unter anderem auch im telezüri - im beitrag über die gedenkfeier vom 9.10. für steve lee

Gabriela das isch villich dr gliich Biitrag wie dä wo d'Babs hie het inegstellt

Prini schrieb:

gabriela schrieb:

schade, ich kann das video leider nicht sehen.

übrigens babs: du kamst unter anderem auch im telezüri - im beitrag über die gedenkfeier vom 9.10. für steve lee

Gabriela das isch villich dr gliich Biitrag wie dä wo d'Babs hie het inegstellt

Entweder das oder de isch es dä wo ou bi Telebärn louft...

Steve Lee's öffentliche Abschieds- und Gedenkfeier

Am Sonntag, 17. Oktober 2010, ab 10.00 Uhr auf dem Gotthard-Pass beim Hospiz.

Die Gedenkrede wird um ca. 13.00 Uhr von zwei Kapuzinermönchen in deutsch und italienisch gehalten.


www.gotthard.com

Sorceress schrieb:

Steve Lee's öffentliche Abschieds- und Gedenkfeier

Am Sonntag, 17. Oktober 2010, ab 10.00 Uhr auf dem Gotthard-Pass beim Hospiz.

Die Gedenkrede wird um ca. 13.00 Uhr von zwei Kapuzinermönchen in deutsch und italienisch gehalten.


www.gotthard.com

Mit mine Überredigskünscht schaffenis sicher no, dass mis Mami mitchunnt! Auso ig wett scho gah! Hets vo euch ou öpper vor?

jetzt um 20:15 findet im hotel st. gotthard in zürich eine pressekonferenz mit der band GOTTHARD und seiner lebenspartnerin brigitte statt.

hier könnt ihr den livestream sehen:

http://www.telezueri.ch/index.php?id=61284

truurigi grüess
gabriela

ps: brigitte hat noch gesagt, dass sie als erstes den pulli von steve in der hand hatte, als er gestürzt ist. sie hat seinen rücken gefühlt und dieser war ganz weich. sie sei keine ärztin, aber sie glaube, dass er vermutlich bis zum hals gelähmt gewesen wäre, hätte er überlebt. dann sei es doch besser gewesen, er hat sofort gehen können...

ausserdem gab das management bekannt, dass die öffentliche abschieds- und gedenkfeier am sonntag, 17. oktober 2010, ab 10.00 uhr auf dem gotthard-pass beim hospiz stattfinden wird. die gedenkrede wird dabei um circa 13.00 uhr von zwei kapuzinermönchen auf deutsch und italienisch gehalten.

Das git sicher wahnsinnig viu Lüt am Sunntig ufem Gotthard