Alice Cooper - 17.11.2010 im Volkshaus Zürich

Ich mach hier mal 'nen Thread auf, weil jemand bestimmt noch Fotos posten möchte...


Mein Fazit des gestrigen Abends:

Eine Konzertlocation mitten in Zürich ist verkehrstechnisch sehr, sehr ungünstig gelegen. Klar, es wird einem ja vorgeschlagen, mit den öV anzureisen - aber wie soll man danach wieder heim kommen???

Das Konzert und vorallem die Show waren grandios!!! OK, es gibt bessere Sänger - schlecht fand ich ihn allerdings überhaupt nicht. Ausserdem kommt er trotz der Gruselshow auf der Bühne total sympatisch rüber.
Die Musiker waren ebenfalls toll. Allerdings sind wir "den-Gitarristen-anhimmeln-technisch" auf der falschen Seite gestanden...

Die Show war der Oberhammer!!!

Alice Cooper gehört einfach zu denen, die man einmal gesehen haben muss!!!


Ja, und nun besitze ich also auch so eine Alice-Cooper-Banknote und dank Babs ist da sogar sein Autogramm drauf!!!

Cool, danke für den Bericht!

Öppis hani no vergässe:

We me mit dr Babs uf Züri fahrt, gseht me sogar Reh!!!

Sorceress schrieb:

Öppis hani no vergässe:

We me mit dr Babs uf Züri fahrt, gseht me sogar Reh!!!

Hääää, siter düre Wald uf Züri gfahre?

Und das Bild muss jetzt hier auch noch rein

Prini schrieb:

Heiter das Foto vo dr Denja scho gseh



Bildunterschrift: "hüt Mittag im Tram z'Züri... :-) Sache gits!"

Prini schrieb:

Hääää, siter düre Wald uf Züri gfahre?

z'Navi und ig si nid glicher Meinig gsi - aber i ha Rächt gha!

Copyright bei Dani Beck

...diese Ketten?

Prini schrieb:

...diese Ketten?

Jep!

da isch ja cool - d'denja mitem alice

aber das isch nid es tram ehner e zug. dr alice gseht us, wie wenn er zum skifahre gieng

Mir hett s'Konzärt au extrem guet gfalle, ka em Bricht von dr Arianne eigentlich numme die folgende Fötteli zuefüege:

Und jetzt no dr schönscht Gitarrischt (zum Glück isch dr Alain Schlagzüger ):

und nomol chli Alice

und denn no es paar Bsuecher:

Merci Cathy für die Föteli

gabriela schrieb:

aber das isch nid es tram ehner e zug.

d'Denja wird ja scho wüsse wo sie isch gsi, oder meinsch das Träffe mitem Alice heig sie so verwirrt?

Ehm.. Mit chli Verspätig chönnt ig mi ja ou no üssere!

Ig ha ja dr Alice zum 4. Mau gseh z Züri und ig bi auso sehr überrascht gsi. Er het immer wieder e neui Show. Bi de erschte 3 Konzärt het är e grosse, knallige Vorhang gha und het eröffnet mitere geile Schatteshow. Z`Züri het är e angere Vorhang gha und het grad mau losgleit mitem Brüller schlechthin: "School`s out"!
Er het sogar Guillotine und Galge derbi gha und so es Teil wo ihn verdrückt het.. (wie heisst das?!)
Ig ha sehr Fröid gha, dass är relativ viu auti Songs brocht het und zum Schluss no grad Mau "School`s out" gsunge het.
Auso für sis Auter muessi säge: Hüt ab. Er het nämlech huere Stress während dr Show, bi dene Szenarie wo är bietet und ständig sis Outfit muess wächsle.
Umso sympathischer isches de gsi, woni bim Meet&Greet e aute, ungschminkte, graue Maa troffe ha wo ufem Sofa gläge isch und totau erschöpft isch gsi. Und dr Alice isch genau so wieni ihn mir vorgsteut ha: Uf dr Bühni schlaht är Froue und tötet Babys, aber privat isch är dr Liebscht Siech wos git.
Zitat us sire Biografie "Golfmonster": (...) Er stolziert mit angehobenem und vorgestrecktem Kinn umher. Er ist Hannibal Lecter; vielleicht tötet er dich. Ich lasse nie zu, dass er zum Clown wird. Er tut so, als wäre das Publikum sein Spielzeug und als denke er: " ihr seid für mich da. Ihr habt mich nicht in der Hand, sondern ich habe euch in der Hand!"
Alice bedankt sich NIE beim Publikum. Wenn das Publikum ausrastet geht er zum nächsten Song über. Die Zuneigung der Menge würde er nie erwidern. Bewunderung setzt er voraus.
ICH bin das genaue Gegenteil. Stünde mein wahres Selbst auf der Bühne, würden Danksagungen aus mir heraussprudeln. Aber das Publikum LIEBT Alice und erwartet, dass er arrogant und herablassend ist.
Das gehört zu seinem Image und ist grossartig zu spielen. Ich glaube, er hat viel zu sagen.
Genau das war mein Eindruck.
Jedenfalls war er wirklich sehr nett. Er begrüsste und verabschiedete und alle mit Händedruck, unterschrieb alles was man ihm gab und nahm sich unendlich Zeit für Fotos.
Als mein Lehrer vor ihm auf die Knie fiel und sagte: "Ich bin unwürdig" wurde Alice sogar leicht verlegen und sagte "Oh please, stand up Guy!"

Alles in Allem ein super Abend mit schönen, unvergesslichen Erinnerungen. (Bis auf den Scheiss-Stau!!!!!) Grrr...

Ähähä.. Jetze hani grad gseh, dass ig uf Bärndütsch ha agfange und in Schriftdütsch beändet ha. Das Zitat het mi gloub veerwirrt!

Egal, ig lade jetze no Föteli ufe!

Im Backstage-Bereich

Das Links isch mi Bruefsschuellehrer gsi. D`Sorci versteit gloub jetz, warum ig so gärn id Schueu gange bi...





Ohne Worte... Gloub es git nid viu wo chöi säge, si heige mitem Alice Cooper gschnupft!

Hie no mis absolute Highlight und Lieblingsfoti

Babs schrieb:

Gloub es git nid viu wo chöi säge, si heige mitem Alice Cooper gschnupft!

...und i cha säge, i heig usem gliche Dösli wie dr Alice gschnupft!

Sorceress schrieb:

gabriela schrieb:

aber das isch nid es tram ehner e zug.

d'Denja wird ja scho wüsse wo sie isch gsi, oder meinsch das Träffe mitem Alice heig sie so verwirrt?

hehe, das weissi nöd - aber es chönnti ja si

ich glaub, ich würd au zimli blöd luege, würdi dr alice näbet mir im bus stah!!

Wow so cooli Föteli, vorallem die vom Backstage! Dr Alice gseht sehr sympathisch us