so, die 3. ARN isch also au scho wider gschicht,
vill, vill vorbereitige, stress und umeghetz,
aber plötzlich isch es morge am 3 und alles isch verbi.
für mi fangt der tag eigentlich scho früeh (also scho am 10ni) mit bus hole,
nach em mittag los in richtig flughafen kloten, es schneit und isch grusig,
am 15.05 landet die maschine vo düsseldorf und 15 min. später sind die
dunkle gstalte au scho dusse, 3 musiker und 3 technicker/roadies.
also ab in richtig schneegestöber und bärge, d'stimmig im bus isch cool gsi,
für mi han i eso dänkt, me merkt gar nid, das me da "stars" transportiert.
mir chömmed guet vora und wenn nid no e rauchpause hät müesse si, wäred
mir au pünktlich in buchs gsi ;-)
denn gahts los soundcheck rage, scho die erschte riffs lönd erahne
wie luut das es am abig wird, eifach geil.
nachher mit rage gah ässe, in dere zit mache BS und granit ihren check.
am 21.00 isch es so wit, granit lönd los, es rockt und tönt guet,
me merk, dass si freut hei zum ändlich wider emal spille und der
chris gnüsst das "heimspiel" sichtlich, d'setlist het leider für min
gschmack e chli vill covers gha aber ja nu es rockt glich und nach 45 min.
isch der der opener fertig, denn e churze umbau und scho isch es ziit
für black sonic, guet und luut wie i das vo ihne gwöhnt bin gäbet si alles,
s'publikum isch e chli lahm, darum seit der maethi : " mir sind black
sonic und ihr sind alli vill zwit ewägg, chömmed da füre" und sie folget ihm
genau 1 stund isch verbi wo der roli zum letschte mal sini chuchi zum zittere
bringt und denn wirds wider hecktisch uf der bühni, alles muess wägg,
alles ussert natürlich dem züg vo rage.
und denn isch es sowit, der headliner 2010 chunnt uf d'bühni, es megaintro,
wo scho zum erschte mal hüenerhut überchunnsch und denn geits los,
ein kracher nach em andere, eine besser als der letscht es isch toll,
und obwohl der krempel nid würklich voll isch, d'stimmig isch guet,
d'fans singet lut mit und d'band het der plausch und das merkt me ihne au ah,
sie lache, si schäkeret ume und zeiget e spielfreud wie i sie ächt nid erwartet hätt,
leider geit o das vill z'schnäll ume, und nachdäm sie zum dritte mal für
zuegabe usechömmed, brätteret sie als letschti zuegab no highway to hell uf d'bühni
mind. eso guet wies original, nur tönts vo rage eifach no chli härtet
mis fazit, drei absoluti hammer-musiker hend ihres beschte geh,
der andré het üs klar bewiese, warum er druf bestande hett, das me
s'drumm am bode anaglet
der viktor isch wohl eine vo de wältbeschte gittarischte
und genialschte songschriber woni je erläbt ha und au der peavy isch grossi klasse,
es isch toll gsi, schad hetts nid doch no es paar nase meh gha wo cho si,
aber ja nu, die wüsse derfür nid was si verpasst hei.
nach em gig hend mir's no im backstage lustig gha und am schluss sogar no im hotel,
und eis chann i eu säge rage trinket au jägermeischter,
und i bi froh gsi, bin i nid der fahrer gsi wo am morge scho wider los isch mit ihne
da no es bildli us em backstage: mr. alvier-rock-night und rage
Startseite 
.
.
