Pratteln Z7, 26.2.2010

Nun raffe sogar ich mich mal wieder auf um einige Zeilen zu schreiben, der Gig gestern Abend ist auch Grund genug. Wir alle waren wohl sehr gespannt auf das Debut von John und ich kann nur sagen, meine Begeisterung, oder mein Adrenalinpegel ist noch immer so hoch, das ich diese Nacht kaum Schlaf gefunden habe !
Es war so ein toller Abend, John kam, sah und siegte und für mich ist er in jeder Hinsicht ein absoluter Gewinn für die Band! Tolle, variable Stimme und enorm viel positive Energie, Spielfreude und Herzblut! Ich darf jetzt offen sagen, das mir dies in den letzten Jahren doch oft gefehlt hat bei Shakra-Gigs, ohne jetzt alles schlechtmachen zu wollen was die Zeit vor John betrifft. Aber wir alle, auch meine Freunde und meine Eltern waren restlos begeistert und sogleich beim ersten Song haben wir gespührt: Ja, das ist es! Super-Konzert, tolle Band, mitreisende Songs und einmal mehr garniert mit den gefühlvollen melodischen Leads von Thom, welche bei mir doch öfters für eine Gänsehaut gesorgt haben. Auch die Set-List würde ich als gelungen bezeichnen, was mich besonders gefreut hat, das die "3-Longs" (Walk on Water, Trapped und der Uebersong schlechthin für mich, The Journey) alle ihren Platz im Set haben durften! Was liebe ich diese Tracks und diese Art von Kompositionen, welche auch mal länger dauern dürfen und es genug Platz hat für Rhythmuswechsel und Stimmungen! Also, ich freue mich enorm auf künftige Konzerte und auf das nächste Album! Hat mich auch sehr gefreut, einige von euch (Fanclub-Members) mal wieder zu sehen und ich freue mich aufs nächste mal! So Long, toi toi toi für heute Abend, weiter so, das kommt gut!
Rock on und alles liebe, Andy

Danke für den tollen Bericht! Dem kann ich nichts hinzufügen und Fotos habe ich diesmal auch keine gemacht...

ES WAR EINFACH GEIL !!!!!!!!!!!!!!!!!!!

Lang, sehr lang hani überlegt wasi derzue söu schribe. Aber eigentlech het dr Andy jetz aues Wichtige scho erwähnt und ig bi ou absolut sire Meinig!
Geschter si gloub aui extrem nervös gsi und hei mitgfiebert, niemer het gwüsst was üs erwartet und wie Shakra jetz töne.
Näre chunnt dr John uf d`Bühni u bereitet au dere Nervosität es Änd. Er het vo Afang ah voue Isatz zeigt und d`Rächnig düregäh. Die wahnsinns Powerstimm wo dä Maa het, das isch jetz eifach ungloublech und er het aui Erwartige ganz klar übertroffe.
Er bewegt sich uf dr Bühni, macht Stimmig, er singt sehr chräftig und mit Gfühl, und vorauem versteitme ou ändlech dr Text vom Song, was vorhär ja nid zueträffend isch gsi. (Faus sich da jetz öpper agsproche fühlt wo da eigentlech gar nüt meh verlore het: Mini e-Mailadrässe isch geng no shakras_babs@gmx.net!)
D`Setlist isch sehr glunge gsi muessi säge! Gueti Mischig zwüsche neu und alt, eher chli weniger ruhig aber das isch wunderbar!
Und mir hets ja fasch eine gäh vor Freud, wo "Walk On Water", "Trapped" UND "The Journey" si cho! Daheime hani no überleit wele vo dene äch chunnt u bi mir mit mir säuber nid einig gsi, wele Song ig de am liebschte hätt, wüu jo eine geiler isch aus dr anger!!!!!! Danke für die grossi Überraschig!!!
Was mi vorauem gfröit het, isch das Härzbluet wo geschter i jedem Ton wome ghört het gsteckt isch! Und me hets au dene strahlende Gsichter uf dr Bühni agseh, dass jetze nach Jahre ändlech aues guet chunnt und aui wieder z`fride si! Ig mag euch das vo Härze gönne und gratuliere euch nomau zu dere Entscheidig füre John! Jetz geits wieder richtig los und dir chöit aune zeige was in euch steckt!!!

Rock on!!! <3

(Huch, eigentlech hani ja gar nüt meh gross wöue schribe... Aber mis Shakra-Füürlli het sich wieder zumne haube Waldbrand entwicklet, merktmes? )

Ig ha nur paar schlächti Handyföteli... Bi meh mit headbange beschäftiget gsi!















U huere schad, dassme nid meh gseht!

I cha mit däm allem numme aaschliesse: Dr John het e tolli Stimm, wo genau zum Sound psast, isch mit Härzbluet derbi und strahlt vill Freud us. Wiiter so!!

Aber a öppis mues me sich halt scho no gwöhne: dass die urchigi Bärner Bänd jetzt Aasagene im Oschtschwiizer Dialäkt het (er tönt wie dr Bligg), aber das wird sich scho gäh!

iiiiii löööööööveeeeee!!!! (muss ich mehr sagen?!? hehe)

I ha vor luuter stuune ganz vergäss zFötele!

....u die paar Föteli woni ha gmacht si uf guet Dütsch gseit Scheisse!!! *sorry* Mi Fotoapparat spinnt komplett, dä macht eifach nümm scharf



A de Lüt ligts sicher nid, wäge dr Schärfi

Soundcheck

Soundcheck

Die beschti Chöchi im Hintergrund (sorry Babs, die zwöitbeschti natürlech) ganz rächts!!! Z'Ässe isch dr Hammer gsi!

Hier sind übrigens noch die Fotos von Stéphane. Er hat wieder einmal ganz tolle Bilder gemacht!

thx für die tolle feedback, das tuet eim grad guet, wenn me nid het chönne derbi is !!

i han scho dänkt, dass das guet wird, die ganze bricht zeige klar, es isch meh als nur guet gsi !!

jetzt freu i mi grad no meh für uf filisur am fritig

übrigens: em john sis shirt mit minere bluetgruppe druf, macht ihn doch grad no sympathischer

und das föteli vom stéphane, wo alli vier zäme druff si, isch wohl s'coolschte bild vo shakra sit langem

Exil-Ämmitaler schrieb:

übrigens: em john sis shirt mit minere bluetgruppe druf, macht ihn doch grad no sympathischer

looool jack, mir ist in dem moment wo er auf die bühne ist komischerweise genau der gleiche gedanke gekommen hahaha
...und am nächsten tag dann gleich noch ein anderes jd shirt... SEHR sympathisch!!!

Mir isch es irgendwie au nid anders gange, als mine Vorredner. Bi mega gspanne gsi, aber dr John hett sich super behauptet und s'isch absolut geil gsi, die Band widder so vereint z'gseh!!!! Ha no ganz vyl Fötteli gmacht, aber do ich jo am Samschtig scho widder unterwägs gsi bi, bi ich leider nonig derzue koh, die ufe Compi z'lade. Aber si kömme no, versproche!

isch e ganz geili sach gsi das konzärt!
het mer würklich super gfalle.

und üsi aftershowparty mit de muotathaler isch eh fasch nid ds schlah gsi (ussert vo hamburg)

yonaka schrieb:

und üsi aftershowparty mit de muotathaler isch eh fasch nid ds schlah gsi (ussert vo hamburg)

...............................................................

Concerts-Live Switzerland
http://www.concerts-live.ch