Sorry, aber ig chume ersch jetze derzue paar Wort z`schribe! Bi geng no gflashet vo au dene schöne Manne!
Mir si e Stund vor Türöffnig z`Prattele gsi und es het no relativ wenig Lüt gha, vo däm här ischs ou keis Problem gsi i di erscht Reihe z`cho!
Näre stöh mir so vorne ar Absperrig, wo plötzlech es wunderschöns, länghaarigs, männlechs Wäse über d`Bühni schlenderet. Ig fang mau töif Luft ghout und de fasch rückwärts umgheit woni checket ha, dass dä Typ dr Gitrrischt isch vor 1. Vorband "Burning black"!
Dä Typ isch ja de würklech scho schön gsi, u näre chunnt no dr Sänger vor 2. Vorband "The Dogma" uf d`Bühni, denn isch auso ändgültig fertig gsi!
Ehm.. Schmachtthread lässt grüssen!
Jedefaus si beidi Vorbands geil gsi, wobi die erschti leider extrem schlächt isch abgmischt gsi. Bim Sänger hetme nume geng gseh wie sich d`Mundwinkle bewege, aber ghört hetme grad mau nüt!
"The Dogma" hei mi ändgültig uf ihri Site zoge, wo si eine vo ihrne Songs em Steve Lee und em Ronnie James Dio gwidmet hei... Uf jede Fau bini näre no gah die neu CD choufe (Black Widow, abem 3. Dezämber im Handel...) und es Shirt het ou no häremüesse!
Lordi hei neui Kostüm und e neue Schlagzüger. D`Show isch natürlech scho horrormässig. Houptsach irgendöppis töte und Hirn ässe u so.. Uf jede Fau isch viu Bluet gsprütz und si hei sehr viu Requisite derbi gha!
D`Musig säuber isch natürlech dr Hammer gsi. Lordi hei huere geili Songs, das steit usser Frag!
Uf jede Fau ischs es super Konzärt gsi u ig würd grad wieder gah!
Übrigens het dr Mr. Lordi no Wärbig gmacht für ALICE COOPER (!!!) *gröööhl*, Twisted Sister, Kiss, Mötley Crüe, Iron Maiden usw. Es söu ja niemeh öpperem i Sinn cho, die Bands aus "Classic Rock" z`bezeichne, das sigi Heavy-fucking-Metal und ihri gröschte Vorbiuder!
Eh ja, so es Föteli mitem Daniele Santori "The Dogma" het scho müesse si!
Startseite 
