- cathy schrieb:
- Hey Jäck, du hesch do inne no gar nütt postet, wie hett's denn dir gfalle?
ja das isch e gueti frag, wenn i i de täg dervor und au danach gsund gsi wär,
hätt i das ganze vill besser chönne gniesse und hätt wohl darum au grad en
konzertbricht gschribe.
zerscht es paar wort zur location, i kenne zwar der name bellaluna scho lang,
aber vor allem wäg em openair, wo ja im 2010 leider nid stattfindet.
s'huus isch sehr originell, eher verglichbar mit eme museum als mit eme
konzertlokal, ja der wychäller isch mir natürlich o scho bim inelaufe ufgfalle
denn stigsch "unzähligi" stäge düruf, bis ändlich unter em dach achunsch,
de rum isch e chli wie d'schüür, eifach nur vill chliner, derfür o chli romantischer
für mi chunnt denn eifach z'erscht d'frag uf, warum spillt "üseri" band, wo i üserne
auge uf die grosse wältbühnene ghört no i somene estrich ?
klar, i weiss, das isch scho fascht e familiesach
nach eme bierli oder 2 ? isch es ändlich eso wiit gsi, alli uf der bühni, es wird dunkel
und ändlich sit meh als eme halbe jahr tönt für mi wider emal ashes to ashes live zu de boxe us
im erschte momänt isch es für mi gwöhnigsbedürftig, es tönt e chli anders, und der
sänger isch plötzlich der chlinscht uf der bühni, aber es brucht nid lang, da isch die
agwöhnigsphase verbi, der john bringt e früschi uf die bühni wie i si scho lang nümme gseh ha,
i finde das toll, wie er das macht, er jumpt und macht und tuet, hey er ROCKT!! die chlini bühni richtig,
es isch schön z'gseh, wie er der plausch het, er strahlet und lachet und au der räscht vo
der band het "gloub" freud uf der bühni z'stah.
d'setlist isch gloub genau die glich wie im z7, und walk on wather gfallt mir in der neue
"churzrappintro"version ganz guet, au die andere sache, wo chli neu gmacht worde si,
wie z.b. der thömu-john-part vo why isch ganz guet glunge und au suscht het der
john die ganzi sach und au s'publikum fescht im griff.
es isch schön, z'gseh, dass es allne wider freud macht, bsunders tol zum gseh,
wie sich der john "rotzfräch" i d'nächi vo de gittarischte wagt, ihne über d'schultere
luegt und da oder dert au emal eifach i d'saite inegriift.
und o wenn er da und dert emal zerscht no het müesse en schluck "valser" näh,
damit er nachhär wider glasklar ufe chunnt und d'tön cha hebe, es si alli
zfride und es rockt !! eifach geil
i has richtig gnosse, vor luter gniesse han i gar kei föteli gmacht, bi eifach dert
gstande und ha gluegt und glost und bi denn fascht verschrocke, woni anhand
vo mim vorwüsse beträffend setlist, gmerkt han, dass jetzt denn scho bald fertig isch.
nach em gig han i no interessanti gspröch gha mit de lüt vo der band
und sogar no es interwiev mit en john gmacht, wo dr denn hoffentlich gli au chönnd läse.
uf jede fall freu i mi jetzt scho uf s'nächschte mal shakra -live
Startseite 
Wieso bini de eigentlech nid uf Filisur??? 
. aber gseht guet us - hmm, öppis is dem wiichäller - das wärs no gsi!
