Cholbesüder Bike-Träffe 18.6.2011

Scho d'Aafahrt isch zimmlig spektakulär gsi. Irgendwie sin mir ständig uf einer Höchi mitere Gwitterzälle gsi, was bedütet hett, dass mir dr gröschti Teil vo dr Streggi mit 80 hän miese fahre und s'isch zimmlig aasträngend gsi.....
Ändlich hän mir denn s'Dorf Ottenbach gfunde und am Iigang vom Dorf isch au e Plakat vom Bike-Träffe gsi. Wär jetzt nochhär nach Wägwiiser zum Bike-Träffe gsuecht hett, het Päch gha, wär aber wäge Shakra gange isch, isch gli uf dr erscht Wäägwiiser mit "Shakra" gstosse
Mir sin denn sehr froh gsi, dass das ganze Fescht imene Zält gsi isch, so sin mir wenigschtens troche bliibe. Mir hän denn no dr Uftritt vo Silence Lost gseh, die hän uns aber nid so mitgrisse. Ändlich hän denn die ufghört, und do's bereits viertel ab 10i gsi isch, hett me scho zimmlig sicher könne si, dass Shakra nid wie vorgseh am halber 11i wärde spiile. Schliesslich hett z'erscht no die ganzi Bühni miesse umbaut und dr Soundcheck gmacht wärde. Und do hän denn au d'Problem aagfange. Ich bi jo kei Profi, aber sogar ich ha gmerggt, dass irgend öbbis zimmlig schief lauft. Vorallem wo si d'Leadvocals hän welle iistelle......
Aber denn ändlich am halber 12i, hän d'Jungs losgleggt und s'isch ächt mega toll gsi, die ganze Songs vo Back on Track ändlich mol live z'ghöre. Und ich muess sage, mir hett d'Songuswahl extrem guet gfalle. Leider isch dr Bode mega unebe gsi und ich ha dummerwiise zimmlig hochi Absätz gha und do ich scho während em ganze Bühneufbau vorne gstande bi, han ich denn relativ bald miess kapituliere und widder nach hintere go absitze. Tja, dr Fritig hett halt doch no chli Spuure hinterloh gha
Aber wie gseit, s'Konzärt an sich hett mir sehr guet gfalle und ich freu mit jetzt scho ufe Donnschtig, denn definitiv mit andere Schue

Ha ha Cathy, falschi Schuehwahl tz tz tz....

Dr Thom het scho gseit är heig di plötzlech nümme gseh.

Das han ich scho befürchtet gha, dass mis "Verschwinde" uffalle wird

Hier gibts Fotos vom Konzert in Ottenbach:

http://www.flickr.com/photos/62780852@N03/sets/72157626873256045/

ja, doch, war mal wieder cool! leider war ich sowas von k.o., immer noch sweden rock nachwirkungen und den ganzen tag arbeit und pride und unterwegs halt... dass ich gleich nachm konzert heim bin. war auch besser so, wär eh schon fast eingepennt beim fahren.
ich war nur extrem froh, dass es nicht so viel geregnet hat, dass die wiese schlamm geworden ist. glaub, sammylein mag schlamm nämlich nicht so gerne... ich auch nicht, übrigens... xD
war ein lustiger abend!!!

...zum Glück isch Sammylein denn in Wichtrach "Moos Openair" nid derbi gsi

Hier gibts noch Pix von Bluevisions:

http://www.bluevisions.ch/aaa_bikerfestival-ottenbach110618.html

Super Pics